هااااااااى ازيكم عاملين ايه وحشتونى كتير كتير كتيررر
انا جايه انهاردا بموضوع جديد اللى وعدتكم بيه وهوا انك ازاى تقدرى تحسبى السعرات الحراريه لجسمك والطريقه سهله جدا
((( ازاي تحسبي محتاجه كام سعر يوميا لو مش قادره تروحي لدكتور
)))
اول حاجه ازاي احسب ال calories السعرات الحراريه
لازم تعرفي وزنك بالظبط و تقيسي ع الميزان اول متصحي من النوم و تكون معدتك فاضيه من غيرب شرب حتي
هتضربي وزنك في (٢.٢) هيطلعلك بالباوند
هيطلعلك رقمك بالباوند اضربيه برقم من ( ١٢ ل ١٥ ) حسب مستوي النشاط اللي بتقومي بيه في الاسبوع
بتتمرني من ١-٢ مرات بالاسبوع اضربي في ١٢ .بتتمرني من ٣-٤ مرات بالاسبوع اضربي في ١٣.بتتمرني من ٥-٦ مرات بالاسبوع اضربي في ١٤.بتتمرني كل يوم في الاسبوع اضربي في ١٥ .
النتيجه اللي هتطلعلك هي احتياجك من السعرات الحراريه
عايزه تثبتي تفضلي علي نفس السعراتعايزه تخسي تنقصي ٥٠٠عايزه تزيدي تزودي ٥٠٠
لو متلغبطه ممكن تعملي بحث في جوجل علي " calories calculator "هيجيلك اكتر من موقع هيطلب سنك و وزنك و نشاطك و هيحسبهالك
تاني حاجه ال macros اختصار لكلمه (macros nutrients )
هي عباره عن ٣ عناصر اساسيه كلنا عارفينها( البروتين + الكاربوهيدرات + الدهون)
البروتين : لبناء العضلاتالكاربوهيدرات: للطاقهالدهون: من المركبات الاساسيه اللي بتدخل في تركيب خلايا الجسمو زياده عليهم الالياف
ايه الكميات اللي جسمي محتاجها منهم ؟؟!
٤٠٪ بروتين + ٤٠٪ كاربوهيدرات + ٢٠٪ دهونطيب احسب كميه البروتين و الكارب والدهون في يومي ازاي ؟!!البروتين النسبه ٤٠٪
هتضربي مجموع سعراتك الحراريه في اليوم 
٤٠٪ هيطلعلك احتياجك من البروتين في اليومالكاربوهيدرات النسبه ٤٠٪هتضربي مجموع سعراتك ٤٠٪الدهون النسبه ٢٠٪هتضربي مجموع سعراتك ٢٠٪عرفنا احتياجنا كم سعره حراريه ازاي نطلعهم بالجرام ؟؟هتقسمي الكارب علي ٤
هتقسمي البروتين علي ٤
هتقسمي الدهون علي ٩
بس كدا الموضوع عايز ورقه و قلم و الحسبه دي بتفرق جااااامد عشان تبقي متابعه نفسك صح و عارفه بتعملي ايه
وكل اسبوع بتخسي فيه بتحتاجي حسبه جديده و سعرات اقل
لو متلغبطه و مش عارفه تحسبي اعملي بحث في جوجل علي "macros calculator "وحاولي تحسبيه بنفسك احسن
تالت حاجه ازاي انقص كيلو دهون في اسبوع ؟؟عشان تخسي كيلو دهون في اسبوع لازم تحرقي ٧٧٠٠ سعر حراري
لو ليكي مثلا 2000 سعر من الاكل علشان وزنك يفضل ثابت هتاكلي 1500 سعر يعني هتوفري يوميا حوالي 500 سعر في 7 ايام = 3500 سعر
وهتمارسي رياضه في حدود 500 سعر يوميا يعني مجموع في اسبوع حوالي 3500 سعر
كده حوالي 7000 سعر الي انتي عاوزاهم علشان تنزلي كيلو في الاسبوع من دهون جسمك
وياريت تطبقوها فى اى حاجه بناكلها اكيد هتفرق معانا كتييير مش هطول عليكم هسيبكم مع الطريقه وياريت متنسوش تدعولى لما تقروهااا